रुसको सैन्य अभ्यास भोस्टोक २०२२ मा चीनसहित भारतको सहभागीताले अमेरिकाको टाउको एकाएक गर्माएको छ । रुससहितको उदाउँदो महाशक्तिशाली देशको सामुहिक सैनिक अभ्यासका कारण अमेरिका तथा पश्चिमी देशहरूमा एकाएक चर्चा–परिचर्चा बढेपछि भारतीय र चिनिया सञ्चारमाध्यमको पनि ध्यान खिचेको छ । यो अभ्यास सेप्टेम्बर १ देखि ७ सम्म रुसको सुदूर पूर्वी छेउमा चलिरहेको छ ।
सेप्टेम्बर १ देखि ७ सम्म सैन्य अभ्यास ‘भोस्तोक २०२२’ हुने र त्यसमा भारत, चीन र धेरै देशका ५० हजारभन्दा बढी सैनिक सहभागी हुने रुसले जनाएको छ ।
रुसी समाचार एजेन्सी टासका अनुसार यो रणनीतिक गतिविधिमा विभिन्न देशका ५० हजार सैनिक, पाँच हजार युद्ध उपकरण र सैन्य उपकरण, १४० विमान, ६० युद्धपोत र अन्य जहाज हुनेछन् ।
अमेरिकाले यसलाई चिन्ताजनक भनेको छ । समाचार एजेन्सी पीटीआईका अनुसार ह्वाइट हाउसका प्रेस सेक्रेटरी जीन पियरेले यस सम्बन्धमा सोधिएको प्रश्नमा भने, ‘रुससँग अभ्यास गर्ने कुनै पनि देश अमेरिकाका लागि चिन्ताजनक छ, किनभने रुसले युक्रेनविरुद्ध अप्रत्याशित युद्ध छेडेको छ। आफ्नो निर्णय आफै गर र म तिनीहरूलाई छोड्छु ।“
चीनको आधिकारिक समाचार एजेन्सी सिन्ह्वाले उक्त अभ्यासको उद्घाटन समारोह अगस्ट ३१ अर्थात् बुधबार सोही जोखिम सहरमा भएको जनाएको छ । चीनले यस अभ्यासमा उत्तरी थिएटर कमाण्डमा संलग्न आफ्ना स्थल, वायु र जलसेनाका करिब दुई हजार सैनिक पठाएको बीबीसीले जनाएको छ ।