साताको पहिलो दिन शेयर बजार ओरालो

काठमाडौँ । साताको पहिलो दिनको कारोबारमा नेप्से परिसूचक १ दशमलव ५८ प्रतिशत घटेको छ । गत बिहीवारको तुलनामा नेप्से परिसूचक ४८ दशमलव ८४ अंकले घटेर ३ हजार ४५ दशमलव २० विन्दुमा झरेको हो ।

कारोबार शरु भएको पहिलो घण्टामा नेप्से परिसूचक ३१०५ दशमलव ७५ बिन्दुमा रहेको थियो । साताको पहिलो दिनको दोस्रो घण्टामा नेप्से परिसूचक ३१०० दशमलव ३७ बिन्दुमा झरेको थियो भने मध्यान्हमा ३०८६ दशमलव ४८ बिन्दुमा पुगेको थियो ।

तेस्रो घण्टामा नेप्से ३०६५ दशमलव ६५ बिन्दुमा आरोलो लागेको थियो । आजको सेयर कारोबारमा गिरावट आउदा नयाँ रेकर्डसमेत बनेको छ । आइतवारको प्रि ओपन सेसनमा नेप्से परिसूचक अघिल्लो कारोबार दिनको तुलनामा ११ दशमलव ६९ अंकले बढेको हो ।

साताको अन्तिम दिन नेपाल स्टक एक्सचेञ्ज १७ दशमलव ६०अङ्कले बढेर तीन हजार ९४ दशमलव ०५ विन्दुमा पुगेको थियो । यस्तै ठूला कम्पनीको शेयर कारोबार मापन गर्ने सेन्सेटिभ परिसूचक ३ दशमलव ४० विन्दुले बढेर ५७१ दशमलव ३९ मा पुगेको थियो । साताको सुरुवाती पहिलो दिनमा नेप्से ३०९९ दशमलव ९२ बिन्दुमा पुगेको हो ।

आज भएको कारोबारमा भएका १३ उपसमुह मध्ये १२ उपसमुहको शेयर ओरोलो लागेको छ भने १ उपसमुह फाइनान्सको शेयर बढेको हो । यस्तै बैकिङ ३० दशमलव ०५, ट्रेडिङ ६२ दशमलव १६ , होटल तथा पर्यटन ३१ दशमलव ७१ , बिकाश बैँक ५३ दशमलव १९ , हाईड्रो पावर ८९ दशमलव २६ , नन लाईफ ईन्स्यारेन्स २५३ दशमलव ०७ , उत्पादन ३८ दशमलव ४८ माईक्रो फाइनान्स ११५ दशमलव २ , लाईफ इन्स्योरेन्स ३०४ दशमलव २,म्युचल फन्ड ० दशमलव ०६, ईन्भेष्टमेन्ट १ दशमलव ९३ तथा अन्य ३६ दशमलव ६२ बिन्दुले ओरालो लागेको छ । तर फाइनान्स उपसमूहको शेयर कारोबार २१ दशमलव ८८ ले सेयर बढेको छ ।

आज कुल २ सय २७ कम्पनीको २४,८८८,३१३ किता शेयर १५ अर्ब ६५ करोड १२ लाख ४४ हजार ५०५मा खरिद बिक्री भएको छ ।

Leave a Reply

Your email address will not be published. Required fields are marked *