ओलीको कदमविरुद्ध रसुवामा मशाल जुलुस

काठमाडौँ। संसद विघटन गर्ने प्रधानमन्त्री केपी शर्मा ओलीको ‘असंवैधानिक’ कदमको विरोधमा नेपाल कम्युनिष्ट पार्टी (नेकपा)को भातृ संगठन राष्ट्रिय युवा संघ नेपाल, रसुवाले सोमबार कालिकास्थानमा मशाल जुलुस निकालेको छ ।

जननिर्वाचित संस्था बिघटन गर्ने प्रधानमन्त्रीको अलोकतान्त्रिक र असंवैधानिक कदमविरुद्ध पुत्ला दहनसहित मशाल जुलुस निकालिएको युवा संघ रसुवाले जनाएको छ । घुम्ति बजारबाट निकालिएको मशाल जुलुस सहिदद्वारमा पुगेर सम्पन्न भएको नेकपा रसुवा जिल्ला कमिटी सदस्य सुजन न्यौपानेले जानकारी दिए ।

ठूलो संख्यामा भेला भएका युवाहरुले प्रधानमन्त्री ओली र राष्ट्रपति बिद्या भण्डारीको पुत्लासमेत जलाएको थियो ।

संसद विघटन गर्ने प्रधानमन्त्री र राष्ट्रपतिको कदमलाई प्रतिगामी, अलोकतान्त्रिक, निरंकुश र स्वेच्छाचारी भन्दै चौतर्फी विरोध भैरहेको छ । नेकपाको ओलीइतर समूह, प्रमुख प्रतिपक्षी कांग्रेसलगायतका दलहरुले देशव्यापी आन्दोलनको घोषणा गरिसकेका छन् ।

Leave a Reply

Your email address will not be published. Required fields are marked *