नाका नखुल्दा मर्कामा व्यवसायी : करोडौं मूल्य बराबरको सामान अलपत्र

काठमाडौँ। चीनर्फको नाका प्रभावकारी रुपमा सञ्चालन हुन नसक्दा नेपाली व्यवसायीले दुःख पाएको भन्दै नेपाल चेम्बर अफ कमर्शले गुनासो गरेको छ ।

नेपाल आर्थिक पत्रकार सङ्घ (नाफिज) को नवनिर्वाचित कार्यसमितिलाई स्वागत तथा बधाई ज्ञापन गर्न आयोजित कार्यक्रममा बोल्दै चेम्बरका अध्यक्ष राजेशकाजी श्रेष्ठले एक वर्षदेखि चिनियाँ नाकामा व्यवसायीका सामान अड्किएको बताए ।

करोडौँ मूल्य बराबरको सामान चीनतर्फको नाकामा कुहिन लाग्दा व्यवसायी पनि ब्याजको मारमा परेको अध्यक्ष श्रेष्ठको भनाइ छ । देशमा विकसित पछिल्लो राजनीतिक घटनाक्रमले आर्थिक विकासका मुद्दा ओझेलमा पर्न लागेको भन्दै उनले आर्थिक मुद्दा नछोड्न आर्थिक पत्रकारहरुलाई आग्रह गरे ।

कोभिडका कारण समस्यामा परेका व्यवसायीलाई सकारात्मक ऊर्जा चाहिएको बेला राजनीतिक अन्यौल बढ्दा व्यवसायीमा चिन्ता थपिएको उहाँको भनाइ छ ।

नेपालको चीनतर्फ रसुवागढी र तातोपानी नाका संचालनमा छ । तर कोरोना भाइरसका कारण दुवै नाका नियमित रुपमा संचालित हुन् सकेका छैनन् । नाका सुचारु नहुँदा व्यवसायीका करोडौँ मूल्यका सामान लामो समयदेखि चीनतर्फ नै अलपत्र छन् ।

Leave a Reply

Your email address will not be published. Required fields are marked *