नेकपा सचिवालय बैठक सकियो, अर्को बैठक मंसिर ३ गते

काठमाडौ। सत्तारूढ नेकपाको सचिवालय बैठक मङ्सिर ३ गते बस्ने गरी सकिएको छ । शुक्रबार अपराह्न ४ बजेपछि प्रधानमन्त्रीको सरकारी निवास बालुवाटारमा बसेको बैठक मंसिर ३ गतेसम्मका लागि स्थगित भएको प्रवक्ता नारायणकाजी श्रेष्ठले जानकारी दिए ।

बैठकपछि प्रवक्ता श्रेष्ठले पार्टीमा देखिएको विवाद समाधान गर्ने गरी एउटा मुख्य कार्यसूची तयार भएको जानकारी दिए ।

बैठक माग गर्दै कात्तिक २२ मा कार्यकारी अध्यक्ष पुष्पकमल दाहालसहित सचिवालयका ५ नेताले प्रधानमन्त्री एवं अध्यक्ष केपी शर्मा ओलीलाई बुझाएको पत्र र त्यसको जवाफमा प्रधानमन्त्री ओलीले अध्यक्ष दाहाललाई दिएको पत्र अध्ययनका लागि सचिवालयका सदस्यहरुलाई वितरण गरिएको पनि प्रवक्ता श्रेष्ठले बताए ।

शुक्रवारको बैठकमा प्रधानमन्त्री एवं अध्यक्ष केपी शर्मा ओलीले कार्यकारी अध्यक्षलाई दिएको पत्रको जवाफमा प्रचण्डले अर्को पत्र पेश गरेका थिए ।

Leave a Reply

Your email address will not be published. Required fields are marked *