कोरोना अपडेट :२४ घण्टामा थप दुई हजार ९४२ जनामा संक्रमण, सक्रिय संक्रमितको संख्या ४० हजार नजिक

काठमाडौँ । कोरोना संक्रमण तिब्र रुपमा बढिरहेका बेला पछिल्लो २४ घण्टामा देशभर दुई हजार ९४२ संक्रमित थपिएका छन् । योसंगै नेपालमा कोरोना भाइरसबाट सङ्क्रमित हुनेको सङ्ख्या १ लाख ३२ हजार २४६ पुगेको स्वास्थ्य तथा जनसंख्या मन्त्रालयले जनाएको छ ।

आइतबार मन्त्रालयमा आयोजित नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले आज थपिएका सहित देशभर सक्रिय सङ्क्रमितको सङ्ख्या ३९ हजार ३४१ पुगेको जानकारी दिए ।

जसमध्ये १२ हजार ९३३ जना संस्थागत आइसोलेशनमा छन् भने २६ हजार ४०८ जना होम आइसोलेशनमा रहेका छन् ।

यस्तै पछिल्लो २४ घण्टामा १४ हजार ८७५ जनाको पिसिआर परीक्षण गरिएको छ ।

पछिल्लो २४ घण्टामा देशभर दुई हजार ३२६ जना निको भएर घर फर्किएका छन् । योसँगै देशभर ९२ हजार १६६ सङ्क्रमित निको भएर घर फर्किएका छन् ।

Leave a Reply

Your email address will not be published. Required fields are marked *