नेपालमा कोरोनाबाट ज्यान गुमाउनेको संख्या पाँच सय नाघ्यो

काठमाडौं । नेपालमा कोरोना संक्रमणबाट मृत्यु हुनेको संख्या ५०० नाघेको छ । पछिल्लो २४ घण्टामा थप ११ जनाको मृत्यु भएसंगै मृतकको संख्या ५०९ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा प्रदेश १ मा ३ जनाको मृत्यु भएको छ । मृतकमा सुनसरीका ५६, ५० र २७ वर्षीय पुरुष रहेका छन् । यसैगरी बागमती प्रदेशमा काठमाडौँ उपत्यकाका ४ जना रहेका छन् । जसमा काठमाडौंका ७८ र ६८ वर्षीय तथा भक्तपुरकाका ६८ र ललितपुरमा ४८ वर्षीय पुरुष पुरुष रहेका छन् ।

यसैगरी प्रदेश ५ को बाँकेकी ३४ वर्षीय महिलाको पनि मृत्यु भएको छ भने रुपन्देहीमा ८०, ५५ र ४२ वर्षीय पुरुष रहेका छन् ।

त्यस्तै, पछिल्लो २४ घण्टामा देशभर एक हजार ९११ जनामा संक्रमण पुष्टि भएको मन्त्रालयले जानकारी दिएको छ । योसँगै संक्रमितको कुल संख्या ७९ हजार ७२८ पुगेको छ ।

Leave a Reply

Your email address will not be published. Required fields are marked *