एक सैनिकद्वारा गोली हानी आत्महत्या

काठमाडौँ । नेपाली सेनाको मुख्यालय जङ्गी अड्डामा कार्यरत एक सैनिक जवानले आफैँले बोकेको हतियार प्रहार गरी आत्महत्या गरेका छन् ।

तनहुँको रानीपोखरी घर भएका दामोदर क्षेत्रीले आज विहान आत्महत्या गरेका हुन् ।

महानगरीय प्रहरी परिसर काठमाडौँका प्रमुख प्रहरी वरिष्ठ उपरीक्षक श्यामलाल ज्ञवालीले शव परीक्षणका लागि महाराजगञ्जस्थित शिक्षण अस्पताल पठाइएको जानकारी दिए ।

घटनाको विषयमा उनका आफन्तलाई खबर गरिसकिएको र अनुसन्धान भइरहेको जङ्गी अड्डाले जनाएको छ ।

Leave a Reply

Your email address will not be published. Required fields are marked *