अनुसन्धानकर्ता नै आश्चर्यमा : चीनका पूर्व गभर्नरको घरबाट १३.५ टन सुन बरामद

चीनको हैनान प्रान्तको हैकाउ शहरस्थित एक पूर्व गभर्नरको घरमा भारी मात्रामा सुन भेटिएको छ । अपत्यारिलो मात्रामा सुन भेटिएपछि उक्त घरमा पुगेका अपराध अनुसन्धानदाताहरु समेत आश्चर्यमा परेका छन् । झाङ्ग की नामका ति अधिकारीलाई तत्काल गम्भीर बयान दिनुपर्ने आपत परेको थियो ।

झाङ्ग कम्युनिष्ट प्रान्तीय तथा नगरस्तरीय समितिका सदस्यसमेत हुन् । उनीमाथि उनका शंकास्पद काम कारवाहीप्रति अनुशासनको पुनरावलोकन र सम्भावित गैरकानुनी काम भएको आशंकामा निगरानी राखिदै आइएको थियो । यस्तो अनुसन्धानबाट गुज्रिरहेका झाँगको निवाशबाट असंख्य द्रव्यले भरिएको भण्डार नै अनुसन्धान टोलीले भेट्टाएको थियो ।

अनुसन्धानकर्ताहरुले १३.५ टन सुन, करोडौं नगद, पुरातात्विक सामानहरु र विलासी रियलस्टेटका कागजातहरु बरामद गरेका छन् ।  एक स्थानीय संचारकर्मीका अनुसार सेप्टेम्बरको सुरुदेखि नै अनुशासन समितिले उनीमाथि गहिरो छानविन गरिरहेको थियो ।

चीनमा सरकारी कर्मचारीले आर्थिक अपराध गरेको ठहरिएमा मृत्युदण्ड दिने प्रावधान छ ।

यो सामग्री सेयर गर्नुहोस

0