‘कथा काठमाण्डु’को प्रोमो युटुबबाट नहटाए र्कावाही गर्ने चलचित्र विकास बोर्डको चेतावनी

काठमाडौँ ।युटुबमा अश्लिल दृश्य सहितको प्रोमो प्रदर्शन भैरहेको भन्दै फिल्म ‘कथा काठमाण्डु’को प्रोमो युटुबबाट हटाउन चलचित्र विकास बोर्डले निर्देशन दिएको छ । निर्माण कम्पनि आहान फिल्मसलाई पत्राचार गर्दै बोर्डले युआरएल समेत उल्लेख गर्दै दृश्यलाई हटाउन निर्देशन दिदै त्यसो नगरिए कारवाही गर्ने चेतावनी समेत दिएको छ ।

नायिका प्रियंका कार्की र नायक प्रमोद अग्रहरिविचको अन्तरंग दृश्यप्रति बोर्डले आपत्ति जनाएको हो । तर बोर्डले पत्राचारमा उल्लेख गरेको युआरएल भने फिल्म ’कथा काठमाण्डु’ को अफिसियल च्यानल हाइलाइटस नेपालको भने होइन । सञ्चार तथा सूचना प्रविधि मन्त्रालयलाई समेत बोदार्थ गरिएको पत्रमा अन्य युट्युब च्यानल मार्फत अपलोड गरिएको र स्वयम् च्यानलको ब्यक्तिले आफ्नै किसिमले मिक्सिङ गरिएको भिडियोलाई आधार मान्दै कारवाही समेत गर्न सकिने गरि बोर्डले गरेको पत्रमा निर्माण पक्षले आपति जनाएको छ । त्यस किसिमका अन्य युट्युब च्यानल र केहि अनलाइन पोर्टलमा अपलोड गरिएको सामाग्री प्रति निर्माण पक्षले आपति जनाउदै यस अघि नै सम्बन्धित निकायमा त्यस किसिमका दृश्यलाई हटाउन लिखित निवेदन समेत दिईसकेको छ ।

असोज १२ मा रिलिज हुने यसफिल्ममा प्रियंका कार्की, आयुष्मान डिएस जोशी, संजोग कोइराला, सन्ध्या केसी, प्रेक्षा अधिकारी, प्रमोद अग्रहरीको मुख्य भूमिका छ । आहाना फिल्मःको ब्यानरमा निर्माण भएको फिल्ममा विजय राइको लगानी छ । फिल्ममा गायिका इन्दिरा जोशी पनि विशेष भूमिकामा देखिदैछिन । फिल्मलाई लुजा सिंहले खिचेका हुने भने यसलाई मित्र गुरुङले सम्पादन गरिरहेका छन् । भारत रेग्मीको कलर र भीएफएक्स रहेको फिल्मको पटकथा भने निर्देशक श्रेष्ठले नै लेखेकी हुन् ।

Leave a Reply

Your email address will not be published. Required fields are marked *