राजसंस्थासहितको लोकतन्त्र उत्तम हुन्छ : कमल थापा

काठमाण्डौँ ,२५ साउन राप्रपा गण्डकी प्रदेश कार्यालयको शुभारम्भ गर्दै राष्ट्रिय प्रजातन्त्र पार्टीका अध्यक्ष कमल थापाले राजसंस्थासहितको लोकतन्त्र वर्तमानमा पनि एकदमै आवशयक्ता रहेको बताएका छन ।
आज पोखरामा सम्मपन्न उक्त कार्यक्रममा उनले आम नागरिक हिन्दूराज्य र राजसंस्थासहितको लोकतन्त्रका पक्षमा रहेको बताए ।

राप्रपा नेपालको राजनीतिमा फरक विचार र अलग पहिचान बोकेको पार्टी भएको बताउँदै उनले पार्टीले राष्ट्रियता, प्रजातन्त्र, हिन्दूराष्ट्र र उदार अर्थनीति अघि सारेको उल्लेख गरे ।

पार्टीको केन्द्रीय कार्य समितिले देशैभरि हिन्दूराष्ट्र पुनःस्थापना जागरण अभियान शुरु गरेको र त्यो अभियान प्रत्येक घरदैलोमा पुर्‍याएर जनताको मन जित्नुपर्नेमा उनको जोड रहेको छ ।

गण्डकी प्रदेश कार्यसमितिका अध्यक्ष हेमजंग गुरुङले प्रदेश कमिटीलाई सशक्त बनाउँदै प्रत्येक स्थानीय तह र टोलटोलमा हिन्दूराष्ट्र जागरण अभियान सञ्चालनमा ल्याइने बताएका छन।

Leave a Reply

Your email address will not be published. Required fields are marked *